Me rastin e 80-vjetorit të miratimit të gjuhës maqedonase si gjuhë zyrtare – më 5 maj, Ministria e Arsimit dhe Shkencës shpall

KONKURS PËR ESE

për nxënësit e shkollave fillore dhe të mesme

Në këto tema:

– Kategoria 1: Për nxënësit nga klasa e katërt deri në klasën e gjashtë

„Gjuha ime maqedonase është si një ylber, plot me ngjyra dhe fjalë“

– Kategoria 2: Për nxënësit nga klasa e shtatë deri në klasën e nëntë dhe nxënësit nga viti i parë deri në vitin e katërt të shkollës së mesme

„Gjuha ime maqedonase – identiteti im, trashëgimia ime kulturore dhe amaneti im”

– Kategoria 3: Për nxënësit nga klasa e katërt deri në klasën e gjashtë që mësojnë në gjuhë mësimore të ndryshme nga gjuha maqedonase

„Gjuha maqedonase dhe gjuha ime amtare janë miq“

– Kategoria 4: Për nxënësit nga klasa e shtatë deri në klasën e nëntë dhe nxënësit nga viti i parë deri në vitin e katërt të shkollës së mesme që mësojnë në gjuhë mësimore të ndryshme nga gjuha maqedonase

„Gjuha maqedonase dhe gjuha ime amtare janë një pasuri që nuk rëndon, por lartëson“

Nxënësit që mësojnë në gjuhë mësimore të ndryshme nga gjuha maqedonase kanë të drejtë, në varësi të klasës ose vitit në të cilin mësojnë, të paraqiten në temat e propozuara, në përputhje me interesat dhe potencialin e tyre.

I. KUSHTET PËR PJESËMARRJE

Të drejtë pjesëmarrjeje në konkurs kanë të gjithë nxënësit nga klasa e katërt deri në klasën e nëntë të shkollave fillore dhe nga viti i parë deri në vitin e katërt të shkollave të mesme në territorin e Republikës së Maqedonisë së Veriut. 

II. MËNYRA DHE AFATI I APLIKIMIT

Eseja duhet të jetë origjinale, me shprehje të fuqishme dhe mendim që pasqyron temën e konkursit të mësipërm.

Eseja duhet të jetë me shkrim të lexueshëm dhe të qartë, e shkruar në gjuhën maqedonase.

Eseja për nxënësit nga klasa e katërt deri në klasën e gjashtë duhet të ketë deri në 200 fjalë, ndërsa për nxënësit nga klasa e shtatë e arsimit fillor deri në vitin e katërt të arsimit të mesëm duhet të ketë nga 200 deri në 300 fjalë.

Një nxënës mund të dërgojë vetëm një punim individual autorial.

Ese që nuk plotësojnë kriteret ose kanë përmbajtje të papërshtatshme do të diskualifikohen menjëherë.

Eseja dërgohet në zarf në Ministrinë e Arsimit dhe Shkencës. Në ese duhet të qëndrojë një shifër dhe kategoria për të cilën dorëzohet eseja (shkollë fillore ose shkollë e mesme), në varësi të shkollës ku mëson nxënësi, dhe në një zarf të veçantë të brendshëm, të shënuar me të njëjtën shifër, duhet të dorëzohen të dhënat e nxënësit (emri dhe mbiemri, klasa/viti, shkolla, komuna dhe numri i telefonit të prindit/kujdestarit). Zarfi i veçantë i brendshëm do të hapet vetëm për esetë e shpërblyera pas përzgjedhjes.

Eseja, së bashku me zarfin me të dhënat e nxënësit që e ka shkruar, dorëzohet me këtë shënim: „Për konkursin e esesë me rastin e 5 majit – Ditës së gjuhës maqedonase“.

Esetë duhet të dërgohen më së voni deri më 15 maj 2025 në Ministrinë e Arsimit dhe Shkencës në këtë adresë: rr. „Shën Kirili dhe Metodi“ nr. 54, 1000 Shkup.

III. MËNYRA E PËRZGJEDHJES

Për përzgjedhjen e esetë më të mira, Ministria e Arsimit dhe Shkencës do të formojë një komision prej pesë anëtarësh.

IV. DHËNIA E ÇMIMEVE

Ministrja e Arsimit dhe Shkencës do të ndajë çmime të përshtatshme për nxënësit që do të fitojnë vendin e parë në këtë konkurs në secilën prej kategorive, si më poshtë:

– Për kategorinë 1 – një çmim për vendin e parë,

– Për kategorinë 2 – një çmim për vendin e parë për një nxënës nga klasa e shtatë deri në klasën e nëntë,

– Për kategorinë 2 – një çmim për vendin e parë për një nxënës nga viti i parë deri në vitin e katërt të shkollës së mesme,

– Për kategorinë 3 – një çmim për vendin e parë,

– Për kategorinë 4 – një çmim për vendin e parë për një nxënës nga klasa e shtatë deri në klasën e nëntë dhe

– Për kategorinë 4 – një çmim për vendin e parë për një nxënës nga viti i parë deri në vitin e katërt të shkollës së mesme.

Ministria e Arsimit dhe Shkencës më 26 maj 2025 në faqen e saj zyrtare të internetit (www.mon.gov.mk) do të publikojë esetë fituese me shifrat.